LECTURA PARA O 2º TRIMESTRE: A ERA DE LÁZARO de PAULA CARBALLEIRA

Coidado con mesturar a vida e a morte. Os mortos non deben volver. Se regresasen, provocarían o caos, a aparición dunha nova era. Velaquí a era de Lázaro, que é a era dos resucitados, onde os mortos camiñan entre os vivos, confunden o tempo, o espazo, trastocan a rutina do coián. Para que todo volva á orde inicial xorde unha entidade, A Empresa, encargada de que ninguén regrese da morte...

 A ERA DE LÁZARO de Paula Carballeira, a segunda novela que lemos desta autora que forma parte da triloxía que realizou sobre personaxes estraños xa lemos a dos lobishomes, fáltanos a dos vampiros e de ... Lémbraste? Seguro que ao ler esta novela caerás na conta de quen estaos a falar.

Lectura para unha proba de lectura para despois das vacacións de Semana Santa. Tentaremos ter un encontro coa autora e por suposto haberá que resumir cada capítulo e presentar os resumos comletos no dá desa proba.

 

A nosa viaxe polo patrimonio inmaterial e a tradición oral

 

Aproveitando que este ano estamos a falar do mar da nosa terra, que estamos no Entroido e que as Letras Galegas 2025 homenaxean ás cantadeiras tradicionais, imos realizar un traballo de investigación sobre a nosa tradición oral. 

CONTIDOS DA 2ª Avaliación

 PLAN LECTOR. EN GALEGO, POR QUE NON? (proba de lectura)

UNIDADE 4 

 Léxico: A palabra e os seus constituíntes páx. 74 do libro de aula.

Ortografía: O acento diacrítico páx. 75 do libro de aula e a listaxe do blog.

Gramática: O predicado. Clases de predicados. Perífrases verbais. páx. 76-77 do libro de aula.

Repaso de VERBOS REGULARES EN GALEGO

Tradición oral: As tradicións do Nadal galego. 

UNIDADE 5

Vocabulario : As palabras derivadas. Prefixos e sufixos. páx. 98 do libro de aula.

Ortografía: Palabras con B e con V, páx. 99 do libro de aula

Gramática: Repaso de Pronomes Persoais tónicos e átonos. 

Comunicación: O Día escolar da Non Violencia

UNIDADE 6

Ortografia: Palabras con h ou sen h. páx. 119 do libro de aula 

Gramática: Os Complementos Directo e Indirecto páx. 120-121 do libro de aula.

REPASO GRAMATICAL (II): Pronomes persoais: Tónicos e átonos.

 

2º Podes ver a seguir un cadro coas formas contractas, que tamén podes atopar na páx, 262 do libro.

3º Colocación dos pronomes átonos:

- Nunca poden comezar un enunciado: Quéreme  moito!

- Posición natural despois do verbo: Pediume un libro. 

Excepcións:

       1ª- Oracións desiderativas ou negativas:  Oxalá te quixese! Non cho daría.

       2ª- Nas oracións subordinadas, as que levan conxuncións como: que, se, porque...  Dixo que te chamaría. Se te mercase a bici....

       3ª- Nas interrogativas ou exclamativas tras do pronome interrogativo/exclamativo: 

           Quen che dixo iso?

       4ª - Tras dalgúns indefinidos (algo, alguén, ninguén, ningún, ambos, bastante, calquera, nada, todo) e adverbios (acaso, aínda, ata, ben, case, disque, igual, seica, sempre, só, tamén, xa):

Alguén cho dixo.    Sempre te quererei.

Exercicios con pronomes persoais

Dous textos de Celso Emilio Ferreiro para unha xornada escolar da non violencia

 

IRMAUS 

Camiñan ao meu rente moitos homes.

Non os coñezo. Sonme estranos.

Pero ti, que te alcontras alá lonxe,

máis alá dos desertos e dos lagos,

máis alá das sabanas e das illas,

coma un irmáu che falo.

 

Si é túa a miña noite,

si choran os meus ollos o teu pranto,

si os nosos berros son igoales,

coma un irmau che falo.

Anque as nosas palabras sean distintas,

e ti negro i eu branco,

si temos semellantes as feridas,

coma un irmau che falo.

 

Por enriba de tódalas fronteiras,

por enriba de muros e valados,

si os nosos soños son igoales,

coma un irmau che falo.

 

Común temos a patria,

común a loita, ambos.

A miña mau che dou,

coma un irmau che falo.

 Celso Emilio Ferreiro (Longa noite de pedra)

       Bombardeo con napalm en Vietnam 1972

Digo bomba de fósforo.

Apenas digo nada.

 

Digo lombriga e larva

de carne podrecida.

 

Digo nenos de napalm,

terror de noite e selva,

fedor de cidade e cloaca.

 

Fame, suor, aldraxe,

pugas de aceiro, antropofaxia.

 

Digo guerra bestial,

tremor de terra, crime, lume, lava,

estoupido, verdugo

e mortandade en masa.

Digo gas abafante.

 

Apenas digo nada.

Digo yanqui invasor,

depredador de patrias.

 

Digo plutonio, pentágono,

esterco bursátil, palanca,

Presidente, gadoupa,

chuvia, amargura, baba.

 

Digo petróleo, ferro,

mineral, trampa,

lobo, caimán, polaris, cóbrega,

miseria, diplomacia.

Digo devastación que USA, usa.

 

Apenas digo nada.

Digo Viet Nam i está xa dito todo

cunha soia palabra.

 

Pra abranguer a vergonza do mundo,

digo Viet Nam e basta.

 

Celso Emilio Ferreiro en Viaxe ao país dos ananos

ACTIVIDADE: 

1- Deducir o tema central el logo localizar e comentar os tópicos e recursos literarios máis significativos destes poemas. 

2-Que é o día escolar da non violencia? Para respondr podes consultar no blog da biblioteca 

ORTOGRAFíA: O Acento diacrítico

 

REPASEMOS OS VERBOS: Verbos regulares (I)

 

 

Para saber máis: A teoría sobre o verbo(I) e verbo (II)

No libro de texto  nas páxinas 263-264-265 podes consultar a conxugación dos verbos regulares: ANDAR, VARRER, PARTIR, ademais dos acabados en -aer,- oer e os de alternancia na vogal temática: servir e subir.